கேரள பெண்கள் தங்க நிற பார்டர் போட்ட வெள்ளை நிற புடவை அணிவது ஏன்? வெள்ளை/வெளிர்மஞ்சள் அவர்கள் மரபு வழி புடவையாக மாற காரணம் என்னவென்று கூற முடியுமா?

 கேரளத்தின் பாரம்பரிய நடனம் மோகினி ஆட்டம் . அதில் அணியப்படும் அழகான உடை வெண்மை நிறத்தில் தங்க சரிகை இழைகளைக் கொண்டு அமைந்திருக்கும்.

தமிழகத்தின் பரதத்தில் வண்ண வண்ண பட்டாடைகள் எழில் சேர்ப்பது பாரம்பரியம் அவ்வாறில்லாமல் கேரளத்தின் மோகினி ஆட்டக்கலைஞர்கள் சிறப்பாக வடிவமைத்த வெண் பட்டாடையில் நடனமாடுவார்கள்.

எனவே கேரள பெண்கள் மங்கல நிகழ்வுகளிலும் கலை நிகழ்ச்சிகளிலும் வெண்மை நிறத்தை விரும்பி அணிந்தனர். வெண்ணிறத்திலேயே முண்டு எனப்படும் உடைகளை அணிந்தனர்.

படம் :The Hindu

படம்:mymandap

படம்:weddingwire

தமிழகத்தில் கலைமகளுக்கு மட்டுமே வெண்பட்டு அடையாளப்படுத்தப்பட்டது.

வெண்மை என்பது தூய்மை வெண்மை என்பது புனிதம் வெண்மை என்பது அப்பழுக்கற்ற சிந்தனை.

பல வட மாநிலங்களிலும் வெண்மை யான ஆடை அணிந்து ஆலயங்களுக்குச் செல்வதும் விரத நாட்களில் பண்டிகை நாட்களில் வெண்மையான உடை அணிந்து பெண்கள் ஆராதனை செய்வதும் பழக்கம்.

தமிழ்நாட்டில் வெண்ணிற ஆடையை கணவனை இழந்த பெண்களுக்கு அடையாளப்படுத்திய போது கூட அவளுக்கு ஒரு தூய்மை தன்மை இருக்கிறது என்பதை வலியுறுத்தி அவள் தெய்வத்துக்கு சமமானவள் அவளைத்  தவறாக யாரும் பார்க்கக் கூடாது அவள் மறைந்த கணவனை தெய்வமாக என்றென்றும் போற்றுபவள் என்று அவளை அடையாளப்படுத்தி துணையற்ற பெண்ணைப்  பிறரிடம் இருந்து -குறிப்பாகப் பிற ஆண்களிடமிருந்து காப்பாற்றினார்கள்.

ஆனால் நடந்தது என்ன?

.அந்த வெண்ணிற ஆடை அணிந்ததனாலேயே அந்தப் பெண்ணை சமூகம் ஒதுக்கி வைக்க ஆரம்பித்தது. அவளை அதிர்ஷ்டம் அற்றவளாகப் பார்த்தனர் அறிவற்றோர். ஆண்களும் பெண்களும் இதில் அடக்கம்.

வண்ண ஆடைகள் கூடாது, பூ பொட்டு உள்ளிட்ட எந்த அலங்காரம் அணிகலனும் கூடாது . தலைமுடியும் துறக்க வேண்டும் என்று அவள் மீது மூட நம்பிக்கைகளைத்  திணித்திருந்த சமூகத்திடமிருந்து அந்தப் பெண்ணை காப்பாற்ற வேண்டிய ஒரு நிலை ஏற்பட்டு விட்டது. மனிதாபிமானம் முற்றிலும் மறைந்து போனது. அப்படி ஒரு வாழ்வுக்குப் பயந்த பெண்களில் சிலர் உடன்கட்டை ஏறி உயிர் துறந்தனர்.

அப்போதுதான் பொங்கி எழுந்தனர் புரட்சியாளர்கள் பெண் விடுதலைக்காக போராடினார்கள் வெற்றி கண்டார்கள்.

பெண்கல்வி ஒன்றே தீர்வு என்பதை உணர்ந்திருந்தார்கள். அதை மக்களுக்குக் கொண்டு சேர்த்ததில் அவர்களுக்குப் பெரும் பங்கு உண்டு.

கல்வியின் துணை கொண்டு மெல்ல மெல்ல வெண்ணிற ஆடைக்கு விடை கொடுத்தனர் கணவனை இழந்த பெண்கள். வெள்ளியக் கலையுடுத்திய கல்விக்கரசியாகிய கலைமகளின் அருள் பூரணமாகக் கிட்டியது

மற்றபடி வெண்மை நிறம் புனிதமானது என்பதில் மாற்றுக் கருத்து இல்லை.

கேரளாவில் ஆண் பெண் இருவரும் வெண்ணிற ஆடை அணிந்து திருமணம் மேடையில் அமர்ந்தால் பார்ப்பதற்கு வெகு அழகாக இருக்கும்.

சாதாரண நாட்களிலும் முண்டு எனப்படும் வெண்ணிற ஆடையை ஆண் பெண் இருவரும் அணிந்து கொள்ளும் பழக்கம் இருந்தது இப்போது காலத்திற்கு ஏற்றபடி வண்ண வண்ண பட்டாடைகளும் மணமேடையில் முதல் நாள் அல்லது மறுநாள் உடுத்திக் கொள்கிறார்கள்

பெரும்பாலும் முகூர்த்தத்தின் போது வெண்பட்டு அணிகிறார்கள்.

மேற்கத்திய நாகரிகம் ஏற்படுத்திய தாக்கத்தில் அனைத்து வகை ஆடைகளையும் இந்தியர்கள் அனைவருமே அணிகிறார்கள்.